花花世界*DK CUPPA TEA*

今個春天  DK又為大家送上浪漫驚喜
由今日至到4月30日都可以黎感受下春天既氣息喇 

靚到不行了既 "玫瑰花園特飲"!!!
呢個特飲真係超bubbling 令人好放鬆~~

每次都有驚喜 今次出埋摩天輪真係謀殺好多好多菲林!!

「春天樂章」下午茶 (最少兩位起) $298/pax 

我係比較鐘意鹹點既人 所以講左鹹點先！
今次呢個set有花束cones花束 勁靚
cone有2個口味 咖喱味同蕃茄味 真係好得意!! 
餡料有巴馬火腿 山葵帶子 蝦沙津同呑拿魚沙津
個wasabi葉真係勁surprise!!
另外仲有三文魚酥!

   
超鬆軟既英式鬆餅 配以奶油及100%玫瑰花果醬今次甜點主打柚子~~

超靚既韓式花瓣薰衣草cupcake同以食用鮮花瓣襯既柚子味cupcake
柚子味既芝士蛋糕 好rich!!
仲有好浪漫既rasberry同blueberry 心型macaron
而朱古力都係柚子心架!

不過最有特式既當然係塊壓花曲奇啦

仲有紫薯雪糕 正啊～～

享用完靚靚既下午茶
加左$380參加藍眼護身符頸鏈及魅力香水工作坊

香味有伊蘭伊蘭同甜橙等等 好鐘意

 地址:上環新街市街19號地舖

夜宵磨 *深宵食堂*

百樂中心越來越多好野食 今日黎到呢間以漫畫深宵食堂做主題既餐廳

相信看過深夜食堂的電影就不會陌生
係銅鑼灣既呢間深宵食堂就係奉承呢個概念
希望香港人可以係日式居酒屋平平地食下野飲下野傾下計

 

見到今日推介 點左玉子燒！

可見老闆係個日本漫畫迷 放到周圍都係 哈哈！

芝士蟹肉玉子燒 $78

啖啖香滑既蛋蛋
包住芝士同蟹肉 口感creamy

上面用茄汁寫上深宵二字
算係呢道幾signature既小吃

  

日式一口雞 ＄42

炸漿同平時唔一樣😳
薄身但唔會話好脆既口感
反而只有輕微crispy既感覺
老闆話係想健康d唔好太油👍
雞肉都算有moist 醬汁係沙律醬加honey mustard

 原條粟一燒 $34 

平時食慣牛油粟米
今次試下正宗日本燒法
原條粟米大大條先焗後烤
做出外乾內濕既效果
再加上燒汁增添風味
老闆既recipe忠於原著 有心思

  

鵝肝什菌石窩飯 $108 

天寒地凍食石頭鍋飯最窩心
醬汁抵讚 令成個飯生色不少
鵝肝份量亦都好足 味道甘香
配以什菌簡單而不平凡 
好好好味！

 地址: 銅鑼灣耀華街百樂中心6樓

海鮮蒸鍋*築地番本日式放題*

今日黎食 6：30－8：30時段  $208加一 
不過不失的放題啦

刺身第一round係幾新鮮肥美架
不過第二round就水準下降左少少 有d參差
而小食方面最好食係呢個芝士焗蠔 

味道幾香 而且都幾大隻

呢度主打呢個海鮮蒸鍋 

比起其他放題有特式
蒸令食材更健康～
特別係個雞肉 蒸完非常滑溜～

     海鮮都幾新鮮

呢個三色花之戀就麻麻地 樣就靚...

服務就個別啦 有d員工好好態度有d就一般

 地址:旺角通菜街1A-J號威達商業大廈Deli 2 一樓B室

人在野之*野玩山店*

野玩山店主打wildlife 風 gimmick就好夠喇
唔知野食又堅唔堅呢？

 

 

The Wild Caesar $108

 
一個沙律可以有幾wild? 哈哈
除左加左隻蛋蛋之外 仲暗藏玄機
話明野玩嘛 當時有d野外風情啦
沙律仲加左小鯷魚 好特別
就好似露營就地取材一樣
做出呢個破格既凱薩沙律

Oyster Cream Soup $88

超夢幻既結合
平時飲cream chowder就飲得多
今次黎d新意加入鮮蠔
忌廉湯底夠濃夠稠身 我鐘意
蠔同湯亦都好夾 堅好味

野火香烤牛仔骨 (16oz) $238

牛仔骨肉味最濃 超正

完美medium rare
太心急冇rest 實在等唔切
d肉汁多到溜哂出黎 嗚呀
加左香草燒成 好惹味
肉質鮮嫩至極 真係好好食
我冇野可以挑剔哈哈

荷蘭鍋烤焗原隻野雞 $238

Chicken on fire 哈哈 好震撼
店員加入vodka後點火
為烤雞香味更濃郁
醬汁味道亦都提昇左
下面d薯仔吸哂d精華 勁好味
而且仲係連薯皮架 like

不過雞方面就略嫌煮耐左dd
雞肉唔夠滑 老左少少

最後點左個夏威夷果仁咖啡 微甜好飲！
整體呢餐非常滿意 正啊

 地址:灣仔軒尼詩道288號英皇集團中心1樓101-104號舖

抹茶滿屋 *京林屋*

京林館係京都已經有超過兩個世紀既歷史
今次黎到香港繼續主打抹茶食品
食材每日由日本新鮮運到架！

抹菜蕎麥麵 (冷) $78 

京林館唯一既非甜品

蕎麥麵過左冷河比熱食爽口彈牙

不過雖然加入左抹茶
但有形無實 抹茶味唔算突出
醬汁加入wasabi 蘿蔔蓉同香菇用麵點黎食 
天氣熱熱地吃這個還不錯吧

抹茶紅豆年糕甜湯 $68

呢個會係一個最適合冬天既宵夜
因為佢暖笠笠 湯圓有飽腹感
而紅豆為綠茶湯加添甜味

三樣野配合得非常好
食完令人覺得好窩心好溫暖
不過咁既portion 價錢真係貴左少少

抹茶卷蛋 $78 

  

你會問 點解一片卷蛋可以咁貴都要食？
我會答 因為佢真係超級好食
佢既蛋香係非一般咁濃郁
而且中間嘅綠茶忌廉係幼滑到無得頂
茶味香濃之餘仲要一d都唔會膩
人一世物一世
呢一個食過返尋味既卷蛋真係值得一試

地址:銅鑼灣軒尼詩道500號希慎廣場6樓603-604號舖

鬧市燒肉放題*宮崎日式燒肉*

今日同朋友仔一齊黎到宮崎燒肉放題 
$258加一 2小時  見佢選擇多又排長龍就試下堅唔堅啦！

宮崎燒肉最出名既招牌「八色燒肉」
分別係雞腿同豬腩肉
以八種調味醬 紅酒 千島 芭蕉 胡麻 黑蒜 香蔥 辛茄 醃好
醬料味道唔係太突出 
不過肉質都算新鮮既～

燒雞翼 我鐘意食~~
都幾大隻夠過癮!

話明係燒肉放題 
當然係有好多種類既肉類可以選擇啦
個人覺得雞翼同埋牛既質素係最好既

黑椒薄切牛舌 一口牛粒 博牛肉片同牛胸腹
肉質都算幾有水準 

  

豬肉方面分別有着頸肉 薄豚肉片同日式醬燒骨
豬頸肉餣得非常入味 正
反而豬腩片就有少少油溢味太重
至於醬燒骨就無得頂喇
肉質非常腍又香口 推介！

至於炸物就麻麻地 整體唔夠脆身
而且佢地既抽氣系統真係有d差食得唔係好舒服 呼吸困難 有待改善！

 地址:旺角旺角彌敦道625及639號雅蘭中心地庫B102號舖