平民份子料理*Three Dice Kitchen*

銅鑼灣竟然有平價份子料理？

 

 

6-course set $200 

想以平民價錢體驗份子料理不再是夢了
餐廳為立食形式 比你欣賞住廚師大展身手
又唔同既新派烹調方法做出菜式

 

由日本突登訂番黎既餐具 小巧新奇       


第一道 有汽作用: 柚子醋浸日本溫泉蕃茄

 

食落口好似有汽咁 好得意 蕃茄新鮮清新 非常開胃

 

第二道 晶球化作用: 哈蜜瓜分子晶球配西班牙黑毛豬火腿

 

呢個其實係將哈蜜瓜汁晶球化 

再配以Parma ham  夠特別了吧？ 

一咬落去 口感都幾震撼架!

液態氮: 忌廉冰球配煙三文魚 薯仔粒



  首先以超冷既液態氮整好個冰球  

之後放入煙三文魚同薯仔粒 再將佢包好  

一切開 勁靚呢~~ 口感好特別 凍冰冰 
外面硬三文魚肉軟 薯仔爽口

乳化作用: 龍蝦慕絲配魚子醬 椰菜花

 

廚師細心慢慢將每杯注入mousse 同garnish

好濃郁既龍蝦味 雖然份量唔多 但係味道討好

即席煙燻: 真空慢煮雞胸配牛肝菌脆粒 

 

即𥱊煙燻 令到雞肉有超濃既香味

 

以61.9度溫水慢煮

 

 

雞胸更加係嫩到一個點！
不得了不得了

 

起泡作用: 煲仔鮑汁神户牛面頰西班牙飯 

 

牛面頰先慢煮再加落煲仔飯度一齊焗
牛味香濃 肉質腍到不得了
鮑汁令成個飯味道更濃
完全滲入每一粒飯
特別食材仲有鷹嘴豆 
成個配搭好match好好食       

 

                 
可因應個人喜好加埋蒜香泡泡忝架

    最後仲有甜品 液態氮杏仁飯

  放入口食會噴煙架哈哈 不過小心凍傷個口 唔好玩太耐！   



地址:銅鑼灣禮頓道136號希雲閣地下2號舖