大大隻燒茄子你試過未？
一品燒最出名既蒜蓉燒茄子 $36
以蒜蓉辣椒香葱同鹽原條燒成 又辣又香
真係超好食 而且茄子非常腍
唯一缺點係真係超多油 但係無辦法
因為茄子本身好吸油
同埋唔夠油燒既話真係唔好食
所以間中食無可厚非既 又一好味推介
原隻魷魚筒 $78 肉質鮮甜軟身易咀嚼
而且有少少炭味 好香 配上燒汁 冇得彈
燒牛扒 $42
燒牛扒火候拿捏得唔錯 牛肉生熟度適中
肉質鮮嫩有肉汁 非常好食 份量還可以啦
又唔會話感覺唔抵食
燒羊架 $68
呢個亦都係美食推介 羊架肉質好嫩滑
配合香料一齊燒真係超級香
微脆既外層包住柔軟既肉 好正！
調味充足 完全唔需要再添加任何調味料
價錢算係咁 必食呀呢個
芝士燒扇貝 $44
芝士味幾濃 配合大大粒嘅扇貝非常滿足！
而且扇貝都算新鮮 唔錯
地址:旺角長沙街2號地舖
沒有留言:
張貼留言