驚喜夏威夷風情*ALOHA*

非常有特色嘅一間小店！

主打健康既魚生飯 

改良左傳統夏威夷既recipe 

以希臘乳酪代替沙律醬 

而且冇任何油或豉油 非常健康

店面好colorful 而且窗口可以打開哂 
欣賞街景之餘可以感受自然風

一個壽司飯 $78  

 

其實配料有好多口味任君選擇架 

上至泰式香料下至韓式香辣味都有

最後我揀左Aloha special & Wasabi Yoyo

 

aloha special係吞拿魚 

加入左芫莤同牛油果 非常健康 

而且可以消除到吞拿魚既油膩感 

三文魚同Wasabi更加係絕配啦 

加左乳酪所以感覺非常creamy

另外仲加左Tofu Avocado ＄10

由台灣特登入返黎既豆腐既質地 非常特別 

食落有d似魚蛋哈哈

 

而個飯係室溫 並唔係好似日式咁凍架 

因為店主覺得咁會好食d 結果亦都係咁！

再飲一啖清新嘅椰子汁 

真係好似去左夏威夷一樣呀 ：）

    地址：鰂魚涌海光街20號地舖