加洲墨西哥*CALI-MEX*

 墨西哥風情入侵旺角？

最近新開既CALI-MEX主打加洲x墨西哥既fusion小吃
一入到去已經感受到 deco非常colorful
而且係半open kitchen 可以睇到員工炮製食物既情況架

今次飲品揀左墨西哥有汽果汁 JARRITOS
分別有芒果 菠蘿 青檸同橙味

熱食方面揀左Quesadillas with original chicken $78 

採用澳洲雞胸肉慢煮而成
配合芝士同小辣Salsa Verde醬
仲有傳統既牛油果醬忝！

好惹味好香脆好正 推介
唔鐘意雞仲可以揀其他配料架
下次再試其他配料先!

最後仲點左Churros $38/3 有朱古力醬/焦糖醬
即叫即整熱辣辣架 正！

  地址：旺角登打士街43H號地舖

半山印度風情*TULSI and WINE*

係hku附近既印度餐廳~

玫瑰牛奶 $38

印度人既飲品真係好特別
千挑細選之下(其實忍唔住秒揀)
揀左好靚既玫瑰牛奶
甜甜地好香玫瑰味 好好飲
牛奶加埋奶泡口感更幼滑
不過細杯左d 奶泡佔左3分1隻杯..
啜左幾下已經飲哂 

粟米蝦餅 $68 

唔錯既一個appetizer 
粟米粒足料 清甜又唔會乾哂水
而且蝦餅好彈牙 
食得出真係好蝦膠係入面
點埋個酸辣醬好開胃

燒豬肋骨 $128

一上菜時真係哇出聲
使唔使咁靚呀 賣相一流！
一串串既菠蘿粒掛係串燒架上
下面放左兩層厚肉豬肋骨
不過一定一定要趁熱食 好腍
因為肉質會隨住溫度改變啊
少少挑剔 醬汁有d搽得唔太均勻
下層既豬肋骨有d唔夠汁
不過整體真係唔錯！

天多羅燒羊架(4 pcs) $158 

   
好重印度風味 香料特別
羊架幾香 唔會太羶
肉質唔會好死實同乾架
鐵板上仲可以保溫忝

地址：西環般咸道63號采文軒10-11號地舖

新派抵食*LA KAFFA CAFE*

北角LA KAFFA CAFE真係大件夾抵食！
次次都有新驚喜～

秘密花園水果茶 $38 

大大杯一見到真係哇左出聲
水果茶配搭新鮮果肉 有益又健康
而且真係好大杯
兩個人一齊share都冇問題 抵飲!

先來一個健康嘅前菜!
科布烤雞沙律 $48

真係唔講得少
望落已經唔簡單
有兩隻煮得超好既半熟蛋
烤雞餣得勁入味
而且肉質鮮嫩 真係好滋味
沙律菜加入左特別嘅醬汁
係難得會一食想再食既沙律！
真係好好食好新鮮

如果每日媽媽都整呢個比我
我諗我每日都可以食呢個做早餐

雞翼大聯盟 $108 

成晚最期待既一碟
多謝大家封我為雞翼女王
一共有三款 
Rose, buffalo & honey lemon
最鐘意當然係玫瑰果款啦

玫瑰同雞既味道都幾夾 好香

檸檬蜜糖都好清新 酸酸甜甜咁
Buffalo果款就有d太辣了
好重Tabasco 既味
不過對我黎講 雞翼點煮都好食

香煎美國安格斯肉眼扒 $148 

肉眼雖然冇西冷咁香牛味

但勝在肉質腍 同香草牛油搭夠

配上黑椒汁微辣 味道唔錯
配菜可揀薯粒或薯蓉
對得起價錢 抵!

西班牙海鮮飯 $138 

炒飯濕度適中 幾有咬口
青口同帶子都幾新鮮
蝦如果採用大蝦會更吸引
味道不過不失咁啦
份量都ok 適合同朋友仔share
而且係新野 一試都無妨

地址：北角明園西街2-6號明苑中心地下4號舖

甜蜜蜜約會*DK CUPPA TEA*

知道佢地出左新tea set即刻去！
夢幻到不能夠

好浪漫既wonderland journey
$298 per person 

魔幻既Drink Me 蝶豆花茶
飲完小心會縮細左..哈哈

再黎一個黑松露海鮮芝士火鍋

 

火鍋配料有低溫慢煮紫薯馬鈴薯
對照故事中既tweedledum同tweedledee孖寶
仲有巴馬火腿車打芝士
仲有新鮮既雞尾酒蝦帶子青口
法國蝸牛同煙三文魚.. 好豐富

食火鍋之前要抽張魔法咭架
我抽到LUCK

之後就要用火槍燒溶佢
其實佢係焦糖造架
令成個火鍋既味道更豐富～

到甜點喇 非常精美

分別有茉莉味紅心紙牌曲奇 葉型曲奇
白兔先生同懷錶macaron

 寫住 ”Eat Me” 既茉莉味蛋糕同黑朱古力
食完會唔會變大左呢

實在太得意太有心思了
就好似同mad hatter食左一餐好瘋狂既下午茶
alice迷必去呀！

  地址：中環士丹頓街16A地下

燒燒燒 *七輪燒肉*

     



堅尼地城開左新既日式燒肉店 一定要試下先！

  


  可伸縮既煙通 吸走哂d油煙～
  

  睇下有d咩野食先  

      

先來兩杯飲品 分別係青森蘋果汁同巨峰提子汁 清甜可口！

  

  前菜點左麻醬菠菜 烤肉前清清腸胃！


  

  仲點左青瓜同超好味薯仔沙律! 真係唔錯

 


之後就點左個和牛刺身 *v* $168 only! 


 


  魚生就食得多 唔特別 
但呢個係粉嫩嫩既新鮮和牛 
薄切後冰鎮住上菜 賣相吸引

夠新鮮才可以做刺身啊 

夾住洋蔥片再點一點醬汁 

食落牛味唔算好突出 

不過肉質真係好鮮嫩 幾乎係入口即溶 唔錯 

而且咁既價錢算係咁啦！

最後揀左豬肉 幻之豚盛盒 $388 

入邊有一串串黑豚荔枝卷 

仲有肩胛肉眼 豬肋排骨 豬脷同埋豬臉頰肉

主打來自西班牙黑毛豬 
豬肉配上荔枝肉感覺特別 多左一份果香 令肉質更清甜

而豬肉眼亦都非常腍 

不過其他部位就比較普通 唯獨價錢取勝啦 

  仲點左清酒煮蠔 都算新鮮既！    
      


  到我最愛既青檸雞翼 正～

 


燒呀燒 燒雞翼真係人人愛～

 


  最後點左個甜品  

 

其實燒綿花糖同Oreo原來係幾夾 

不過太甜了 哈哈 不過幾得意既！

地址：西環堅尼地城科士街40號地鋪

異國風情*IVAN THE KOZAK*

入到呢一間餐廳

所有佈置裝飾品都係老闆係外地帶返黎
感覺真係好似去左東歐一樣 好靚！

而且椅子都係向外擺
好似歡迎你快啲坐低咁
老闆又風趣幽默好好傾
感覺非常親切 
食物質素都非常高 無味精架
等我逐一介紹佢地既美食啦

 

老闆新番左新既有汽果汁 Sirma

用天然有氣礦泉水加果汁
清甜解渴

老闆仲話menu成日比人偷
因為果塊皮真係好靚
係佢係波蘭訂造架

真係要摸多幾下

而且仲壓左佢地既招牌公仔係面
可見老闆真係掟左好多心機係店

 

家鄉煙肉馬豆湯 $50

烏克蘭最傳統既湯 
煙肉非常惹味 為湯加添左香味
配料除左馬豆 仲有薯仔

非常有飽肚感
而且冇加味精 好健康！

 

招牌芝士焗牛脷盅  $78

這個一定一定必食呀 好正！
牛脷非常腍 汁好香好濃
用個包去點實在太好味喇哇

我覺得價錢好親民 唔算太貴
狂叫appetizers 已經飽左

 地址：中環閣麟街46-48號地下