莆田主打新加坡既福建菜
食材來至自世界各地 非常有特色
而且餸菜不加味精 真係食到食材既原味!
今次呢個套餐非常豐富
蝦苗伴紫菜 單點$48
採用頭水紫菜 亦即係第一次長成採割既紫菜
量少營養價值高 加左小蝦米同埋香醋 爽口又開胃~
我最鍾意既一味 係酥炒芋頭 ＄88
上品檳榔芋 先蒸後炸再炒 係家鄉風味代表作之一
食落外酥內糯 甜甜地 真係好好味 好鐘意!!
莆田扁肉湯 $78
肉湯味道亦都非常 扁肉食得出好鮮既豬肉味
而且湯加左醋 酸酸地都係好開胃既
莆田燜豆腐 $88
以瑤柱 瘦肉 冬菇 雞蛋等十幾種食材精心燜制而成
聽講有美容功效架
但係我覺得口味未必適合普遍既香港人
最後仲有莆田滷麵 ＄78
麵質非常幼滑 而且海鮮配合高湯
清得來又好滋味
另外仲叫左一味九轉小腸 ＄78
原因係睇到圖片已經覺得好吸引
果然冇令我失望
可以見到一層一層嘅紋理
而且小腸一啲都唔硬 非常腍同入味
沒有留言:
張貼留言