四月之約*Tate Dining Room and Bar*

由名廚Vicky lau 同鍾楚紅小姐攜手打造既綠茶宴 採用珍貴既雨前一  即係每年四月天早春穀雨前15天早上10點採摘嘅第一片嫩葉 打造雨前一宴 $1380

蘋果綠茶味道非常清新 先清一清味蕾 自家製嘅麵包配上多款特色牛油 最特別嘅一款係腐乳味 

香煎北海道帶子配綠茶牛油汁 賣相靚之餘 帶子肉質鮮甜 質地彈牙 而且真係好新鮮！

綠茶冷麵配海膽魚子醬 以冰塊保持冷面嘅溫度 海膽同魚子醬嘅鮮甜度十足 令到成個菜式嘅味道更加錦上添花！ 係非常出色既一道菜式

令一杯清香嘅凍茶 再次清一清味道 準備迎接下一道美食

香煎黑毛豬 有叉燒嘅口感 肉味亦都非常香濃 配菜亦都係別出心裁 效果非常配合

最後嘅綠茶甜品賣相精美 黑芝麻雪糕配上麻糬以及綠茶泡沫 清甜之餘仲可以感受陣陣茶香 

地址：中環荷李活道210號地下及1樓