高質素牛扒任食 *Non Kitchen*

位於觀塘工廈既NON KITCHEN 絕對係牛魔王嘅福音
因為一個價錢就可以任食優質澳洲穀飼牛扒 生日月份惠顧仲有超級優惠

前菜及沙律吧款式多 因應個人份量自己攞

特別喜歡佢鮮嫩嘅煙三文魚同埋煙燻鴨胸 沙律菜方面亦都非常新鮮

只要like Facebook就可以送生蠔兩隻 生蠔唔算特別大隻 但係非常鮮甜！

每兩人就可以點一份牛扒 食完可以無限添 當然唔好浪費食物啦 

澳洲穀飼牛扒肉汁澎湃 肉質嫩牛味亦都非常突出 絕對係有驚喜！ 

薯條份量適中唔會食到你飽晒 

再配埋特製嘅醬汁呢個牛扒真係一百分 

一場嚟到梗係要encore啦

整體質素都好有水準 唔會話大小不一 而且真係令人回味無窮 好食！

飲品方面加錢試咗美人魚特飲 果味清新 好消暑

由於今個月係我爸爸生日 所以就免費送心太軟忝！ 兩人埋單不用$500 

地址：觀塘鴻圖道12精棉工業大廈1樓