2016年8月26日 星期五
平靚正*勝八鉄板串料理*
裝潢和風十足 未食先加分！
而家午餐仲有85折 非常抵食！
前菜有沙律同送既吞拿魚腩多士
非常美味 吞拿魚腩鮮甜可口
銀鱈魚西京燒 $128
日本料理既名菜 非常考功夫
勝八鐵板串料理行親民路線
銀鱈魚以白麵豉醃製 香濃惹味
而且味道帶甜
魚肉 極 度 嫩 滑
脂肪感好重但唔會太油膩
香烤到金黃色 賣相吸引
吉列炸蠔定食 $88
另一款超值之選
炸蠔粉漿夠薄 做得相當脆身
比較特別係佢地一隻炸蠔其實入面用上幾隻細蠔
所以更足料 口感更滿足！
最後仲有2杯豆腐雪糕 濃味清甜 好正
地址:銅鑼灣登龍街28號永光中心10樓
非一般炸雞*CHIBEE*
CHIBEE有靚仔oppa 而且service好好架～
店面裝飾都非常有特色！
泡菜薯條 $56 3.6/5
薯條就食得多喇
今次加左芝士泡菜嘅薯條又會係點呢？
雖然泡菜同薯條冇乜關係
不過芝士泡菜作配搭都係第一次
薯條幼切 炸得香脆而不油膩
加咗芝士粉雖然感覺不及真芝士
但係相對冇咁膩
想讚一讚個yogurt sauce 非常特別
好味到encore多一碟
忌廉羅勒香蒜炸雞 $178
炸雞非常有肉汁 外脆內軟
Pesto醬汁比較特別 有西式風味
不過個人覺得個汁有d稀
如果個汁可以稠身返少少就perfect
炸雞配上芝士粉同醬汁 滋味無窮
蒜味略嫌唔算突出
配菜有沙律同埋醃蘿蔔 清新解膩
最後黎多個啤酒特飲 爽到冇朋友！
地址:銅鑼灣軒尼詩道499號永光商業大廈7樓
浪漫山林道*BV KITCHEN*
山林道有間小小西餐廳
不時有live band表演 情調十足！
星期五當然要飲番杯 點左佢地既signature BV Teenage
有奇異果同蘋果mix埋rum酒 味道清新
BV snack combo $198
一次過滿足晒貪心既我
拼盤有炸洋蔥圈 炸魚塊 芝士蝦餅 辣汁雞翼
同cheese nacho
炸魚塊好鬆軟 蝦餅爆芝有驚喜
一班朋友飲杯酒嘆個platter so chill
澳洲黑安格斯牛西冷 (10oz) $268
完美既五成熟 粉嫩嫩賣相非常吸引
而且rest得好足夠 肉汁成功鎖住
西冷肉味非常重 唔算多筋
10oz份量十足都幾大件架
配菜既焗薯都非常出色！
地址:尖沙咀山林道54-56號利雅商業大廈2號地舖
用心之作*豚燻*
係銅鑼灣想食拉麵又多個選擇喇!
唔想排長龍試下豚燻 最近仲有期間限定忝
店子雖小 但好有日本地道感覺
雲丹拉麵 $198
雲丹既係馬糞海膽 每日新鮮運到
所以限量發售 每日只係賣十幾碗架咋
可唔可以品嚐到就睇你好唔好彩喇
海膽有成返咁多 份量十足
拉麵可以揀粗幼度同軟硬度
湯底係豬骨湯加上蜆去煮成 一個字 鮮！
蜆肉亦都非常甜
成碗麵令人回味無窮
原條煙燻鹿兒島黑豚
以櫻花木煙燻 再用鹽滷熟成三日
之後慢煮四小時 心機之作!
味噌拉麵 $108
呢個拉麵與眾不同之處 係佢既煙燻豬肉無論味道同口感上都非常特別 感覺似食緊煙肉咁 顏色粉嫩 肉質煙甄 湯底用上味噌味道較濃 對我來講雖然鹹左少少 比起平時既醬油湯底更加特別
另外點左2款小食 唐揚炸雞 $38揀左梅子醬 味道酸甜開胃又清新
而且雞肉炸完都幾嫩滑 仲好多汁架！
另外點左一份鹽燒牛舌 $58 亦都相當唔錯!
無論份量同味道都十分討好
地址:銅鑼灣謝斐道468號百達中心地下E舖
2016年8月25日 星期四
意式美味*Lo Spazio*
先黎refreshing既飲品
同前菜自家製麵包~~
Carciofo E Bistecca $158
Lo Spazio主打美式意大利菜
十分美味既烤牛扒沙律
牛肉juicy而且肉味好香 蔬菜都好新鮮
配搭feta cheese好惹味
加入左黑醋汁酸甜開胃
Agnello Al Forno $398
以迷迭香烤焗既羊架
肉質係鮮嫩既 不過調味就爭d
香草味道偏淡 要以mustard點綴
而羊架本身個肉味都唔算太濃
但係分量都幾大份
Risotto Di Aragosta $288
呢個意大利飯係無懈可擊 醬汁非常香濃
以龍蝦汁燉熟個意大利飯
所以飯粒好軟熟同入味
超大條既龍蝦尾啖啖肉
再配埋Mascarpone cheese
真係勁香濃 冇得輸！
訂閱：
文章 (Atom)