日法滋味 *Blue Brick Bistro*

]

先來一杯白酒喂美味嘅菜式打開序幕

Signature Lobster Bisque
  美味既龍蝦濃湯 以龍蝦頭同埋尾餚足8小時
再加上忌廉 口感幼滑
比起一般嘅龍蝦湯冇咁咸 但係鮮味濃郁

清酒麵豉雞肝醬配多士 $108

  以清酒同埋麵豉製成雞肝醬
雞肝味道雖然冇鵝肝咁香濃
但係油膩感亦都冇咁heavy 多士脆卜卜 非常好味

烤熊本豬鞍·抹茶豆腐汁野菜沙律 $238

  雖然豬鞍架肉質腍左小小 但係味道尚算可口 調味得宜

而且豬鞍架都幾大件 都幾多肉汁架
最鐘意個配菜薯仔 非常美味

南青山蛋糕卷(抹茶) $58 ^_^

Yoku Moku既signature蛋卷 名不虛傳 蛋味香濃
而且忌廉口感極度幼滑 入口即溶

另一款皇室奶茶味亦都相當出色  

地址：灣仔皇后大道東200號利東街地下G35號舖

印度風情 有美食有美女 *Haveli Authentic Indian Restaurant*

係清風街既特色印度菜館 環境幾清靜 
適合三五知己來享受印度晚餐

所有餐具擺設都幾有feel架

前菜係送嘅 薄脆餅配以四款特別嘅醬汁
  個人最鍾意係薄荷醬 味道真係非常清新

青瓜乳酪雖然份量唔多但係又幾特別
青瓜粒中和左乳略既酸味 作為前菜好開胃！

椰汁咖喱雞味道都非常香濃
唔好睇佢細細鍋 都幾多肉架
而且椰汁味道都算突出 中和返香料嘅辣度

雞肉方面亦都鮮嫩

食咖喱就當然唔可以冇印度薄餅啦
香蔥薄餅口感q彈 而葱味亦都好香
一份有兩塊 最後都要encore多一份 因為啲醬汁太好食啦

印式羊肉炒飯 一向都幾鐘意食印度米
有咬口得黎又爽身 配以各種香料味道千變萬化
呢個飯味道其實唔錯
不過紐西蘭羊肉略嫌有d乾 影響左整體感覺

逢星期四至六 晚上8點有肚皮舞欣賞 表演好精彩 非常尊業  


地址：天后清風街20號地舖

不容錯過的韓式炸雞 *Yadllie Plate*

黎到兆萬淨係識食放題？out喇！
  何不搞搞新意思 試吓呢一間主打homemade韓式炸雞嘅餐廳？

餐廳裝修雅致 座位都幾舒服架

先來韓式小食拼盤 有我最喜歡嘅紫菜粉絲卷 花生小食同埋炸芝士條
  芝士條要親熱食 超級拉絲呢～

之後就點着個有支啤酒非常清新

Yadllie原味炸雞 $148


  非常出色既炸雞 香脆既雞皮完美鎖住肉汁
  而且一點都唔油膩 點埋特色辣醬勁好味
  薯條亦都非常脆口
  絕對係好邪惡既comfort food

  順帶一提 柚子啤酒都好正

勁麵 $88

  個名咁過癮 係勁辣麵至真 令人又愛又恨
 好味得黎又辣得過癮 怕辣可以撈埋d蔬菜一齊食

  身為麵怪 佢已經成為我既favourite！  

地址：旺角西洋菜街1號兆萬中心11樓

素菜新煮義 *尚素*

一向對食齋係冇乜太大興趣
不過有時因應老人家嘅要求陪佢哋食下
點知又比我搵到新驚喜 尚素門面光鮮 俾人感覺食得舒適

先點左一壺紅棗杞子茶滋潤一下

菠蘿咕嚕魔芋 $88 睇表面以為係咕嚕肉？
當然冇咁簡單 食得多肥膩野 係時候食齋菜清清腸胃
其實齋菜都可以好色香味俱全
採用魔芋口感非常特別 都幾似肉架
而且醬汁味道唔會過甜 咁食起上黎都健康d啦

炸饅頭伴桂花糖 $28 饅頭炸到外脆內軟 鬆脆可口
有別於平時點煉奶
尚素以桂花糖去取而代之 結果都幾驚喜滿意 非常可口

黑松露松子仁炒飯 $98 炒飯炒得好香口
加入黑松露更加係無懈可擊
另外配料有炸金菇同埋松子仁
整體口感非常出色 調味都好好 真係好好味呀

最後以甜點作結 點左蘆薈杞子桂花糕 同樣清甜可口！  


  地址：觀塘駿業街56號中海日升中心1樓B舖

可愛爆燈主題店 *Moomin Cafe*

一屋姆明既裝飾擺設 
無論你鍾唔鍾意呢個卡通人物 呢度都會令你童心爆發

^_^下午茶唔知食咩好？
黎超可愛既姆明Cafe啦 除左佈置精緻 
  仲有好多姆明同其他角色既公仔比您任影雜

雜莓吉士牛角包 $78
呢個雜莓吉士牛角包味道唔錯 牛角包鬆軟可口 吉士好香甜！

  和歌山八朔柑班戟配蜜柑汁 $158  

 

pancake蛋香濃郁 真係超讚!! 
八朔柑非常爽口 清甜之餘有淡淡苦味 
姆明屋內有乾坤 分別有番石榴啫喱 
黑芝麻牛奶布丁同紅莓慕絲 
充滿水果既下午茶非常健康 
食完仲可以帶埋呀美番屋企

地址：尖沙咀廣東道17號海港城海運大廈LCX 3樓32號舖

重量級日菜 *勝八居酒屋*

自選壽司定食 $148 午市85折

前菜既玉子豆腐非常滑

勁量級壽司拼盤 物超所值 新鮮既壽司配搭任君選擇

睇下件海膽 絕冇欺場 Taro肥美鮮甜 
蟹膏軍艦非常甘香 慢慢品嚐回味無窮！！

另一個勝八定食亦都非常值得一試

迷你海膽丼非常新鮮清甜 一絕

日式蘿蔔燉牛尾肉味香濃 而且肉質非常腍
美味感覺令人好回味

飯粒吸收晒鵝肝嘅香味 甘香度爆燈
而且鵝肝油而不膩 真係好好食

再來一個清湯烏冬 爽口彈牙 分量剛剛好

甜品有紅豆雪糕 清甜可口又消暑

  整體食物質素係非常高 而且價錢咁平 
真係絕對值得一食再食！  


地址：銅鑼灣登龍街28號永光中心11樓

優質日式燒烤 *燒肉牛蔵*

高松 二人前套餐 $468 加一 

前菜係豐富既刺身沙律 賣相吸引 而且好新鮮

刺身鮮甜味美  非常開胃 

套餐包括好多野食 美國極上和牛 長筒墨魚 海中蝦 櫻花豚肉 和牛小排粒 同埋野菜盛合 真係好豐富

海鮮好新鮮 加上鹽燒好鮮甜

和牛亦都好正 入口油香滿滿呢 之後仲可以係料理同鍋物中各6揀1

炸蝦壽司卷份量略少 只有每人兩件

而三文魚石狩鍋就幾正 魚肉鮮嫩滑溜 湯底香濃  


地址: 尖沙咀彌敦道63號iSQUARE國際廣場7樓701號舖