足料火鍋*好好肥牛雞煲店*

位於佐敦既好好肥牛雞煲店 性價比極高！

 

 

     

自家制鮮四寶丸 $75

有多款丸任君選擇 可以揀四款 

今次試左蝦丸 羊肉丸 貢丸同蟹籽包心丸 

真正手打丸 鮮味又彈牙 

比較特別既有羊肉丸 有淡淡既羊羶味 

而且肉質唔會死死實實 非常鮮嫩 

貢丸既豬肉味同香 味都好重 好正 

蝦丸亦都係真材實料 

蟹籽包心丸口感特別 一咬開蟹籽勁流心!!

 

牛魔王手切本地肥牛拼盤 $298

 

必食手切肥牛拼盤 比較特別 

分別有牛頸肉 牛腋 牛白肉 牛脷托 牛展同肥牛粒 牛白肉係牛橫隔膜  

只要滾一滾就食得 好爽口

肥牛粒牛味亦都幾香濃

最得我歡心一定係牛頸肉！ 

好嫩滑好好味 真係好正 

牛脷口感一流 好有咬口  簡直係牛魔王既天堂

 

海底椰雞鍋(半隻) $128

一打開蓋即刻椰香撲鼻 

選用新鮮活雞 嫩滑而且味道濃郁

雞件另上 睇到足秤冇呃人架 

仲可以自己逐d落 唔會過老 

海底椰湯底加左用粟米 馬蹄同紅棗 好滋補

 

炸響鈴卷 $38

 












真正即叫即炸 香脆到不得了 
店員叫我地可以試下就咁食 
點上酸汁好似平時食錦鹵雲吞咁   


 

或者滾幾秒 吸哂湯汁都好正架 






 



  仲有呢個芝心墨魚丸 非常香濃既爆芝享受呢...  


 



  最後點多左個桂花糕 太完滿了！   
  整體食物質素好好 價錢亦都好合理


   地址:佐敦廟街286-298號地下D及E舖  

驚喜瑰寶*Home Sweet Home*

太子內街既水準之作 值得一試！

 

 

尊貴二人餐 $638 

 

非常抵食既優質西餐 最適合黎拍拖浪漫一下 

平均一個人三百幾  

已經有前菜 生蠔 湯 主菜 甜品同飲品 真係不得了!!! 

而且食物質素認真唔錯

先介紹佢既前菜 鵝肝多士 

採用法國鵝肝 香煎至脆面 非常香口 

配以青蘋果醬 清新香甜 好好食呀~

 

夏威夷黑鹽燒美國IBP天然頂級肉眼扒(10oz)

超級超級超級好食 油脂平均肉味香濃又多肉汁 

與別不同嘅地方就係薯菜變左焦糖啤梨 

伴碟既藍芝士醬亦都好creamy  

Medium rare亦都做得非常好 非常滿意

 

另一個主菜揀左德國咸豬手

非常有驚喜 比德國餐廳做得更出色 

蜜糖佈滿豬手皮好正 狂食 

雖然佢唔係好脆果種 

但我正正就係鐘意呢種煙甄口感 

豬手肉亦都烤到好腍身 配菜亦都不容忽視！ 

除左好好食既grilled veggie 

個法式奶油焗薯真係唔講得笑 原片薯仔沾滿香濃醬汁 一絕

  法式鮮果拿破侖 

 

  新鮮清甜既雜莓配以士多啤梨雪糕
拿破侖好脆身 吉士忌廉亦都好幼滑 讚！  



地址:太子基隆街13號永基樓地舖  

迷失的麵包*Pain Perdu salon de thé*

旺角小巷中有間新開幾靚既cafe小店 

週末閒情當然係要去坐一坐 ～

 

芝士三重奏 $65 連飲品 

以三款唔同既芝士打造而成既法式多士

 

加入左蛋漿烤焗

所以多士出奇地香同埋鬆軟

無論係口感上同味道上都非常特別

紫羅蘭花茶香味突出 非常舒緩

 

軟雪糕奄列蛋糕 $38 買一送一

非常有飽腹感既甜品 

充滿蛋香既pancake包住乳酪雪糕 

有咁多新鮮雜莓 仲要買一送一 真係值回票價!

地址:旺角豉油街126-128號明威閣地下K舖  

只許烤肉 *首爾家*

 

首爾家位於酒店入面 感覺高尚 

所以我對佢地既食物都有一定既expectation

醃牛肋骨肉 $158 

韓國燒肉品質都幾高 

呢個牛肋骨肉非常入味  

完全唔使再點其他醬汁 

而且肉味好香濃 勁好味！

 

因為我懶揀左冇骨呢款係貴小小 

另一款冇骨既係平d架! 

中間仲有個蛋 今次唔係爐邊 比較特別

  除左烤肉仲點左其他菜式   韓式泡菜餅 $88



  有些少失望 因為味道偏淡
而且泡菜既酸味比辣味重太多
餅底亦都唔算特別香脆


  韓式炸雞肉＋沙拉 $148

 


以全部雞搥而非不同部位既雞件黎講
呢個價錢真係有d偏貴
雖然做得好香口脆身 但係seasoning不足 
味道都係有d淡
薯仔沙拉味道不過不失  


  紅豆韓式冰 $28





  最最最令我失望既一樣野!!
成碗都係大小不一既碎冰
即使加入左紅豆同牛奶 亦都係淡而無味
粟米脆片亦都有d腍.. 唔建議食呢個 唔抵  




地址:銅鑼灣邊寧頓街13-15號隆堡柏寧頓酒店1樓  

魔力沒法擋*魔法雞排*

由台灣遠渡重洋黎到香港既魔法雞排 究竟有d咩魔力呢？

拍手雞排 $30 

   

估唔到香港都食到咁正既台式雞扒 

所謂拍手雞排  指係整既過程上兩次粉同埋輕拍雞扒 

亦都有食到拍手既意思 XD

 

 

採用自家製炸漿 口感太鬆脆了吧 

佢地用既雞扒亦都係新鮮非合成  所以會見到少少骨架

 

而且竟然一d油膩感都冇 超正！

   

藍莓果汁沙冰 $15 

  

以鮮果醬加入冰塊打成沙冰 唔會有死甜既感覺 

而且天氣咁熱 整翻杯真係透心涼 仲有多款唔到口味架

 

魔力脆炸杏鮑菇 ＄25

本身已經勁鐘意食雞脾菇 今次仲要炸到咁脆!! 

真係勁香口 好好食 

新鮮即點即炸  配以胡椒鹽同新鮮蒜末 

d香味離哂譜 隔離街都聞到

  地址:紅磡德民街1-15號地下A4A舖  

外國情調*FRITES Belgium on Tap*

非常高質既西餐廳 一定會再encore!!

無論係食物質素同環境都非常討好 

先黎一個Frites Beer Sample Paddle $250

可以試哂Stella Artois, Hoegaarden, Leffe Blonde & Leffe Brune
由淺到深 味道由淡至濃 滿足哂所有願望!!
配菜小食炸薯波都非常滋味!!  

Steak & Frites $385 

完美既牛扒!!! One of the best in town 

廚師切開先上盡顯佢對自己功力既信心 

難得咁完美既medium rare 

而且Black Angus肉眼勁腍勁juicy 

本身既seasoning同香草牛油夾得天衣無縫 

真係太太太太好食喇

 

Frites House Mussels (1/2 kg) 

另一個必食推介 青口有性別之分  

女仔係橙色 男仔係奶白色 

超新鮮超鮮甜超肥美 

cream sauce好濃郁 

而且配合鬆軟既麵包沾黎食  

仲有勁大份薯條 香脆可口 非常抵食!!!

   

Schnitzel & Frites $195 

非常似係德國食既味道 因為係採用豬肉 不

過始終都係奧地利正宗牛扒比較好食 

雖然係咁 但係呢一個都做得非常唔錯 

牛油味同香草味都好香濃 

配埋香脆既薯條同埋新鮮既沙律菜

  有heart又有quality 價錢亦都唔算太離地 十分推介！





地址:中環威靈頓街198號The Wellington 1樓